Қазақстанда Covid-тен тағы 8 адам көз жұмды, 22 мыңға жуық адам емделіп жатыр
21 қараша күні Қазақстанда коронавирустан қайтыс болғандар саны 8 адамға артты. Аурудан 21 864 адам емделіп жатыр. Бұл туралы Денсаулық сақтау министрлігі хабарлады.
Емделіп жатқандардың 11 191-і және қайтыс болғандардың алтауы – вирус жұқтырғаны ПТР тестімен расталған науқас. "Коронавирус пневмониясынан" бір күн ішінде екі адамның өлімі тіркелген, 10 673 адам емделіп жатыр.
Денсаулық сақтау министрлігінің мәліметінше, ПТР тестімен расталған науқастар арасында емделіп жатқан 11 191 адамның 3165-і стационарда, 8026-сы амбулаториялық жағдайда емделіп жатыр.
"Жалпы науқастардың арасында 214 адамның ахуалы нашар. Соның ішінде 29 науқастың ахуалы аса қатты ауыр деп бағалануда. 23 науқас өкпені жасанды желдету аппаратында жатыр" делінген министрлік таратқан хабарламада.
Ресми дерек бойынша, ПТР тестімен расталған науқастар арасында 1983 адам қайтыс болса, "коронавирус пневмониясы" науқастары арасында 427 адам қайтыс болған. Бұл статистикаға коронавирус жұқтырғаны расталған, бірақ "ілеспе аурудан қайтыс болды" деген жүздеген адам кірмей қалған.
Қазақстанда вирус жұқтырғаны ПТР тестімен расталған науқастар саны 125 466-ға, "коронавирус пневмониясы" науқастарының саны 41 159-ға жетті.
Covid тесті растаған. Қазақстанда бір күнде 756 науқас тіркелді
21 қараша күні Қазақстанда вирус жұқтырғаны ПТР тестімен расталған 756 науқас тіркелді. Бұл туралы Денсаулық сақтау министрлігі хабарлады. Аймақтар бойынша Шығыс Қазақстан облысы әлі де алда тұр. Ауру солтүстік облыстарда өршіп тұр.
ПТР тестімен расталған науқастар арасында көш басында – әдеттегідей Шығыс Қазақстан облысы. Онда бір күнде 198 науқас анықталған. Бұл – республикалық көрсеткіштің 26 пайызы. Кейінгі айда облыста күн сайын жүздеген науқас анықталып отыр.
Одан кейінгі орындарда – Павлодар (93), Солтүстік Қазақстан (91) және Қостанай (75) облыстары. Нұр-Cұлтанда 59, Ақмола облысында 56 науқас тіркелді. Қыс ерте түскен бұл солтүстік аймақтардағы науқастар саны республикалық көрсеткіштің 76 пайызын беріп отыр. Ең төменгі көрсеткіш Түркістан (5), Қызылорда (4) және Маңғыстау (2) облыстарында байқалды.
Бір күнде коронавирустан 397 адам жазылып шықты.
Вирус жұқтырғаны ПТР тестімен расталған науқастардың жалпы саны 125 466-ға жетіп отыр. Оның ішінде 112 292 адам айыққан, 2 мыңға жуық адам қайтыс болған (21 қарашадағы дерек бойынша, 1977 адам). Коронавирус жұқтырғаны расталған, бірақ "ілеспе аурудан қайтыс болды" деген жүздеген адам Covid статистикасына кірмей қалған.
Қазақстан 1 тамыздан бері ПТР тестімен расталмаған коронавирус пневмониясы есебін жүргізіп келеді. 21 қарашаға дейін пневмонияның бұл түрімен 41 мың науқас тіркеліп, оның 425-і қайтыс болған. Коронавирус пневмониясының есебі де Covid статистикасына біріктірілмей отыр.
Денсаулық сақтау министрлігінің ресми мәліметіне сенсек, өткен тәулікте (20 қараша) Қазақстанда ПТР тесті бойынша коронавирус инфекциясын жұқтырған 822 адам тіркелген. Бұған қоса, 154 кісі коронавирусқа ұқсас пневмония дертіне шалдыққан. Демек, бір тәулікте елде жалпы 976 науқас тіркелді. Пневмониядан бір кісі көз жұмды.
Коронавирус инфекциясынан бір тәулікте 412 адам жазылды.
Аймақтар бойынша қарасақ, эпидемиялық ахуал Шығыс Қазақстан облысында әлі де күрделі. Мұнда бір тәулікте коронавирус жұқтырған 227 адам тіркелген. Павлодар облысында – 95, Солтүстік Қазақстан облысында – 87, Алматы қаласында - 84, Қостанай облысында – 72, Нұр-Сұлтанда – 63, Ақмола облысында – 59 науқас тіркелген. Пневмониямен ауырғандардың аймақтар бойынша статистикасы жарияланбады.
Ресми мәлімет бойынша, Қазақстанда наурыз айынан бері жалпы 124 710 адам Covid жұқтырды. Бұған қоса, 41002 кісі коронавирус инфекциясына ұқсас пневмониямен ауырды.
Қазақстан белгілері коронавирусқа ұқсас пневмонияны тек 1 тамыздан санаққа ала бастады. Дегенмен, ол бойынша мәліметтерді жалпы Covid-пен ауырғандардың базасына қоспай, бөлек санайды.
Ресми мәлімет бойынша, елде коронавирустан 1945 адам, пневмониядан 425 адам көз жұмды.
19 қарашада 791 адамнан коронавирус анықталды, Алматыда науқастар көбейді
Кеше, 19 қарашада Қазақстанда коронавирус жұққаны арнайы тестпен расталған 791 адам анықталды. Бір күнде 311 адам жазылды.
Денсаулық сақтау министрлігінің ақпараты бойынша, бейсенбі күні ең көп науқас Шығыс Қазақстан облысында (242) тіркелген. Коронавирус жұққандардың елдегі ең ірі қала - Алматыда да өскені байқалады. Мұнда бір күнде 91 науқас анықталған. Бір күн бұрын бұл көрсеткіш 42 болған.
Солтүстік Қазақстан облысында - 85, Павлодар облысында - 85, Қостанай облысында - 63, Нұр-Сұлтан қаласында - 53, Ақмола облысында 48 адамнан коронавирус инфекциясы анықталған.
Қызылорда, Маңғыстау облыстарында өткен тәулікте науқас анықталмаған.
Наурыз айынан бері коронавирус жұққаны тестпен дәлелденгендер 123 888 адамға жетті: 111 мыңнан астамы жазылған, 1964-і қайтыс болған.
Қазақстанның коронавирус статистикасына коронавирус пневмониясына шалдыққандар есебі енгізілмеген. 1 тамыздан бері 40 690 адамға коронавирус пневмониясы диагнозы қойылған, 423 адам қайтыс болған, 30 мыңға жуығы жазылған.
Дүниежүзілік денсаулық сақтау ұйымының коронавирус картасында екі мәлімет (коронавирус пен коронавирус пневмониясы есебі) қосылып көрсетілгенмен Джонс Хопкинс университеті коронавирус жұққаны тестпен дәлелденгендерді ғана картасына енгізіп отыр. Қазақстан билігі басында бұл екі мәліметті біріктіріп көрсетуге уәде бергенмен орындамады.
Қазақстанның коронавирус статистикасына Covid жұққан, бірақ "ілеспе аурудан қайтыс болды" делінген жүздеген адам өлімі де енгізілмеген.
Осы аптада президент Қасым-Жомарт Тоқаев "бірқатар аймақтарда деректерді жасыру анықталды" деп мәлімдеген. Ізінше мәселеге түсініктеме берген кейбір аймақтың денсаулық сақтау саласындағы басшылары "мәселе 50 шақты науқаста болып отыр, бұл мәселенің себебі анықталып, шешілді" деп айтқан.
Кейбір мамандар Қазақстанның ресми орындары таратқан коронавирус мәліметке күмәнмен қарайды. Тәуелсіз зерттеу жүргізген Сандж зерттеу ұйымы "елде үш миллионнан астам адамға вирус жұққан" деп санайды.
ПІКІРЛЕР