Шенеунік Covid жұққандарды емдейтін ауруханаға бөлінген ақшаны жымқырды деген күдікке ілінді
Алматы қаласының жайлы орта басқармасының басшысы Сапар Нұрашев және Bi-Industrial компаниясының директоры коронавирус жұққандарды емдейтін модульдік инфекциялық аурухана құрылысына бөлінген 3,9 миллиард теңге (9,3 млн доллар) қаражатты жымқырды деген күдікке ілінді. 18 қаңтарда сыбайлас жемқорлыққа қарсы іс-қимыл қызметі осылай деп хабарлады. Ведомствоның баспасөз қызметінің айтуынша, "сеніп тапсырылған мүлікті иемдену немесе талан-таражға салу" бабы бойынша іс қозғалған.
Кейбір жергілікті БАҚ Нұрашевтің ұсталғанын жазды. Бірақ Алматы әкімдігі ақпаратты жоққа шығарып, Нұрашевтің "жұмыс орнында емес" екенін айтты.
"Тергеуге дейінгі тексеру амалдарына байланысты қала әкімдігі қажетті ақпаратты таратып, түсіндіруге дайын" делінген 18 қаңтар күнгі әкімдік хабарламасында.
Сапар Нұрашев Алматы қаласының жайлы орта басқармасының жетекшісі қызметіне 2020 жылы маусым айында тағайындалған.
Былтыр сәуір айында Алматыда коронавирус жұққандарға арналған жаңа инфекциялық аурухана ашылған. 18 күн ішінде дайын болған медициналық мекемеге 5,5 миллиард теңге (13,1 млн доллар) қаражат жұмсалды деп айтылды. Қараша айында госпиталь "дезинфекцияға байланысты" резервке алынған. Сол кезде мекеменің аязға төзбейтіндігі де айтылды. Пациенттер мен медицина қызметкерлері басқа орталыққа көшірілген.
Bi-Industrial - тұрғын үй емес ғимараттарды салумен айналысатын компания. Ол ықпалды кәсіпкерлердің бірі 48 жастағы Айдын Рақымбаевқа тиесілі BI Group құрамына кіреді. 2020 жылы Forbes Kazakhstan оның байлығын 514 миллион долларға бағалаған. Компания сыбайлас жемқорлыққа қарсы іс-қимыл агенттігінің тергеуіне байланысты түсініктеме бермеді.
Коронавирус пен соған ұқсас пневмониядан 10 адам қайтыс болды
17 қаңтар күні коронавирус пен соған ұқсас пневмониядан 10 адамның қайтыс болғаны хабарланды: 8-і вирус жұқтырғаны ПТР тестімен расталған науқас болса, екеуі диагнозы ауру белгілері бойынша қойылған науқас болды. Коронавирус жұққаны тестпен нақтыланған 1003 науқас тіркелсе, 17 адамға коронавирус пневмониясы диагнозы қойылған. Денсаулық сақтау министрлігінің 18 қаңтар таңертең таратқан мәлімдемесінде осындай мәлімет көрсетілген.
Наурыз айынан бері коронавирус жұққаны тестпен расталған науқастар 169 099 адамға жеткен.
Қазақстан үкіметі індет басталғалы тек ПТР тесті оң шыққан адамдарды ғана коронавирус статистикасына қосып келеді. Алайда билік 1 тамыздан бастап ПТР тесті оң нәтиже бермеген, бірақ ауру белгілері бойынша коронавирусқа ұқсайтын пневмония есебін де жүргізе бастады. Содан бері 46 848 адам коронавирус пневмониясына шалдыққан деп айтылады.
Вирус жұқтырғаны ПТР тестімен анықталған науқастар арасында барлығы 2416 адам қайтыс болған. Бұл статистикаға коронавирус жұқтырғаны расталған, бірақ "ілеспе аурудан қайтыс болды" деген жүздеген адам кірмей қалған. Ал коронавирус пневмониясы науқастары арасында 1 тамыздан бері 540 адам көз жұмған.
Қазақстанда коронавирус жөніндегі ресми дерекке күмән келтіретіндер көп.
Жаз айларында шығу тегі белгісіз вирустық пневмония өршіді. Жергілікті мамандар мұның коронавирус екенін айтты, билік ПТР тесті теріс шықты деп пневмонияны коронавирус деп қарастырудан бас тартты. Денсаулық сақтау министрлігінің дерегінше, 1 қаңтар мен 2 тамыз аралығында пневмониямен 256 541 науқас тіркелген, бұл өткен жылдың жеті айлық көрсеткішінен 3,3 есе көп болған.
Коронавирус жұқтырғандар 1003 адамға көбейді
17 қаңтарда Қазақстанда ПТР-тесті оң шыққан 1003 адам тіркелді. Өткен тәулікте ең жоғары көрсеткіш Павлодар облысында (155) тіркелген. Қалған облыстар мен қалалардағы жағдай төмендегідей:
Нұр-Сұлтан - 20 020 (+125 адам жаңадан қосылды)
Алматы қаласында - 20 444 (+97),
Шығыс Қазақстан облысында - 19548 (+28),
Атырау облысында - 14952 (+71),
Қарағанды облысында - 12782 (+62),
Батыс Қазақстан облысында - 9935 (+47),
Солтүстік Қазақстан облысында - 9562 (+55),
Қостанай облысында - 8671 (+74),
Ақмола облысында - 8341 (+99),
Алматы облысында - 8192 (+94),
Шымкент қаласында - 5726 (+19),
Жамбыл облысында - 5271 (+24),
Маңғыстау облысында - 3886 (+17),
Түркістан облысында - 3889(+10),
Ақтөбе облысында - 3819 (+21),
Қызылорда облысында - 3488 (+5).
Наурыз айынан бері коронавирус жұққаны тестпен расталған науқастар 169 099 адамға жеткен.
Коронавирус пен соған ұқсас пневмониядан 15 адам қайтыс болды
16 қаңтар күні коронавирус пен соған ұқсас пневмониядан 15 өлім тіркелді. Оның 11-і вирус жұқтырғаны ПТР тестімен расталған науқас болса, төртеуі диагнозы ауру белгілері бойынша қойылған науқас болды.
Қазақстан үкіметі індет басталғалы тек ПТР тесті оң шыққан адамдарды ғана коронавирус статистикасына қосып келеді. Алайда 1 тамыздан бастап ПТР тесті оң нәтиже бермеген, бірақ ауру белгілері бойынша коронавирусқа ұқсайтын пневмония есебін жүргізе бастады.
Вирус жұқтырғаны ПТР тестімен анықталған науқастар арасында барлығы 2408 адам қайтыс болған. Бұл статистикаға коронавирус жұқтырғаны расталған, бірақ "ілеспе аурудан қайтыс болды" деген жүздеген адам кірмей қалған.
Ал коронавирус пневмониясы науқастары арасында 1 тамыздан бері 538 адам көз жұмған.
Қазақстанда коронавирус жөніндегі ресми дерекке күмән келтіретіндер көп.
Жаз айларында шығу тегі белгісіз вирустық пневмония өршіді. Жергілікті мамандар мұның коронавирус екенін айтты, билік ПТР тесті теріс шықты деп пневмонияны коронавирус деп қарастырудан бас тартты. Денсаулық сақтау министрлігінің дерегінше, 1 қаңтар мен 2 тамыз аралығында пневмониямен 256 541 науқас тіркелген, бұл өткен жылдың жеті айлық көрсеткішінен 3,3 есе көп болған.
ПІКІРЛЕР