Кореялық актриса Украинаға 83.5 мың доллар берді
Оңтүстік Кореяның танымал актері Ли Ён Э Украинадағы соғыс құрбандарына қолдау ретінде 100 миллион вон берді (83.5 мың доллар). Бұл туралы Украинаның Сеулдегі елшісі Дмитрий Пономаренко мәлімдеді.
"Танымал кореялық актриса Ли Ён Энің Украинаны қолдап, соғысты мейлінше тез тоқтатуды талап ете отырып, қомақты қаржы аударуы және жазған хаты бізді қуантып, жүрегімізді елжіретті! Ақша Ресей агрессиясының құрбандарына жолданады" деп жазды елші.
Херсон көшелерінде Ресейдің брондалған техникасы жүр
Мұны Херсон облысы әкімшілігінің жетекшісі Геннадий Лагута "Украинская правда" газетіне берген сұхбатында мәлімдеді.
Ресей сарбаздарының қазасын тағы да мойындады
Бұл жолы опат болғандар туралы Шешенстан басшысы Рамзан Қадыров айтты.
"Өкінішке қарай, Шешенстан Республикасы тумаларының арасында мерт болғандар бар. Екі адам қаза тапты (Дала гечдойла царна), алты адам түрлі деңгейде жарақат алды" деп жазды Қадыров Telegram каналында.
Украинаның Херсон қаласы құрсауда
Ресей әскері Украинаның оңтүстігіндегі Херсон қаласын құрсауға алып, қала сыртына блок-бекеттер орнатып жатыр деп хабарлады журналист Елена Ванина "Украина 24" телеарнасының эфирінде. Оның сөзінше, Ресей күштері көліктерге оқ жаудырып, тұрғындардың телефондарын тартып алып жатыр.
Журналистің сөзінше, қала түбіндегі елдімекендерден тұрғындар эвакуациялаған, бірақ қалып қойғандары да бар, олар атып тастайды деп қорқады. Қалада су, жарық және жылу бар, коммуналды қызметтер жұмыс істеп тұр.
Херсонның құрсауға алынғанын қала мэрі Игорь Колыхаев растап отыр.
"Херсонға кірер жолдарда РФ әскері блок-бекеттер орнатқан. Жағдайдың қалай өрбитінін айту қиын. Әрқайсысыңыздан сабыр сақтап, парасат танытуды сұраймын. Комендант сағатында көшегі шықпаңыздар. Ешкіммен аргессиялы келіссөз жүргізбеңіз, жауды қақтығысқа арандатпаңыз" деп келтірді қала басшысының сөзін УНИАН агенттігі.
ПІКІРЛЕР