Ресей президенті Владимир Путин елден он мың доллардан артық ақша алып шығуға тыйым салды. Бұл жайлы "Интерфакс" ақпарат агенттігі хабарлады.
Ресей соғыста қаза тапқан әскерилердің отбасыларына өтемақы ұсынбақ
Ресей билігі Украинадағы соғыста қанша әскериінен айырылғанын айтпай отыр. Бірақ жергілікті билік өкілдері соғыста қаза тапқандардың отбасыларына өтемақы төленетінін мәлімдеп жатыр.
"Эхо Москвы" радиосы таратқан ақпаратқа қарағанда, Шешенстан басшысы Рамзан Қадыров қаза тапқан солдаттардың отбасыларына 2 млн рубль (шамамен 20 мың доллар) өтемақы берілетінін айтқан.
Краснодар аймағының губернаторы Вениамин Контратьев те осы өтемақы жайлы айтты.
Ресей билігі "Дождь" телеарнасы мен "Эхо Москвы" радиосының сайтын бұғаттады. "Эхо Москвы" эфирден өшірілді.
Ресей бас прокуратурасы бұл екі медиа "Ресейдің Украинадағы арнайы операциясы жайлы жалған ақпарат таратып жатыр" деп санайды.
"Дождь" арнасының ақпараттар қызметінің басшысы Екатерина Котрикадзе "Настоящее время" арнасына берген сұхбатында Ресейдің Украинаға басқыншылығы жайлы жалған ақпарат таратпағандарын, барлық тараптың ақпаратын баланспен таратып жатқанын айтты.
Ал "Эхо Москвы" радиосының бас редакторы Алексей Венедиктов ешқандай заңға қайшы әрекет жасамадық деп мәлімдеді.
Ресейдің қалаларында 24 ақпаннан бері Украинадағы соғысқа қарсы наразылық кезінде 6 мыңнан аса адам ұсталған. Соғыс басталғалы Мәскеу, Санкт-Петербург және басқа қалаларда Ресей әскерінің Украинаға басып кіргеніне қарсы наразылық өтіп жатыр. Бұл туралы ресейлік тәуелсіз басылымдар мен құқық қорғау ұйымдары хабарлады.
ПІКІРЛЕР