Украинадан Еуропаға кетіп бара жатқан әйел мен бала. 5 наурыз 2022 жыл.

Украинадағы соғыс. 1-8 наурыз арасында не болды?

1 наурыз 2022 жыл, 08:23

Украинадағы соғыс жайлы барлық ақпаратты осы парақшадан таба аласыз.

Украинада шайқас жүріп жатқан аймақтардан бейбіт тұрғындарды эвакуациялау үшін гуманитарлық коридорлар ашылды. Коридор ашуды екі тарап келіссөз кезінде келіскен.
Украина Ресей 12 мың әскерінен айырылды деп отыр.
АҚШ Ресей мұнайынан бас тартады.
Украинадан соғыс басталғалы екі миллион адам елден кетуге мәжбүр болған.
Украина президенті Владимир Зеленский Киевте екенін мәлімдеп, бірнеше видео жариялады.
Британиялық Shell мұнай-газ компаниясы ресейлік жобалардан шығатынын, Ресейден мұнай шикізатын алмайтынын мәлімдеді.
Жапония мен Австралия да Ресейге санкцияны күшейтті.

12:49 2.3.2022

New York Times: 1 наурызда Украинадан Польшаға 98 мың адам өткен

Америкалық басылым Польшаның шекара қызметіне сілтей отырып, 24 ақпаннан бері Украинадан Польшаға 453 мың адам өткенін, оның 98 мыңы сейсенбі, 1 наурыз күні кіргенін айтты. БҰҰ босқындар жөніндегі агенттігі соғыс басталғалы Украинадан 677 мың адам бас сауғалағанын хабарлаған.

10:56 2.3.2022

"Сбербанк" Еуропа нарығынан шығады

"Еншілес банк топтары ақшаның жаппай шығарылуына тап болып, қызметкерлер мен бөлімдердің қауіпсіздігіне қатер төнді" делінген банктің баспасөз хабарламасында

10:28 2.3.2022

Украин теннисшісі Элина Свитолина Монтеррей (Мексика) жарысында ресейлік Анастасия Потапованы жеңіп, жарыстан қандай сыйақы алса да, бәрін Украина әскеріне беретінін айтты. Свитолина теннисшілер арасында әлем бойынша 15-орында. Ол 2020 жылы Монтерей жарысының жеңімпазы атанған.

10:15 2.3.2022

Путин шетелге 10 мың доллардан артық алып шығуға тыйым салды

Ресей президенті Владимир Путин сәрсенбі, 2 наурыздан бастап шетелге 10 мың доллардан артық ақша алып шығуға тыйым салды.

Тағы

Accessibility links

Жазылыңыз

Украинадағы соғыс. 1-8 наурыз арасында не болды?

"Сбербанк" Еуропа нарығынан шығады

ПІКІРЛЕР