Украинадағы соғыс кезінде Ресей генерал-майоры Андрей Суховецкийдің қаза тапты
Киров облысындағы "Боевое братство" деген бүкілресейлік ардагерлер қоғамдық ұйымының жетекшісі Азаттықтың Орыс қызметіне берген сұхбатында Суховецкийдің өлімін растады.
Ресей мен Украина делегаттардың екінші келіссөзі Нұр-Сұлтан уақыты бойынша 18.00-де басталуы ықтимал.
Бұл туралы 3 наурыз күні Ресей президентінің көмекшісі, Мәскеу делегациясының басшысы Владимир Мединский мәлімдеді.
Украинадағы соғыста тағы бір Ресей қазағы қаза тапты
Астрахан облысы Красноярск ауданы Ватажное ауылының тумасы Әли Сабыржанұлы Батыровтың Украинадағы соғыста мерт болғанын туған ауылының әкімшілігі хабарлады. Сол күні немере қарындасы Елсияр Батырова бауырының қазасын растады. Оның сөзінше, Әли Батыров 28 ақпан күні опат болған.
Ауыл әкімшілігінің хабарлауынша, Батыров майор әскери шешінде болған және батальонды басқарған. Украинаға дейін ол Сириядағы соғысқа қатысқан, сол үшін Батылдық ордені мен бірқатар өзге медаль алған.
Әли Батыровтың аты-жөні Украинаға жіберілген Ресей сарбаздарының тізімінде бар. Тізім 1 наурыз күні украин хакерлері жариялаған.
Батыров – Төменгі Волга тумаларының ішінде қаза тапқаны ресми мойындалған екінші адам. 1 наурызда Астрахан облысының губернаторы Игорь Бабушкин сол ауданның тумасы Арман Нарынбаевтың қаза тапқанын мәлімдеген.
Билік тек екі сарбаздың өлімін растағанымен, жергілікті тұрғындар қаза тапқандар мен із-түссіз жоғалғандар көп дейді. Астрахан облысынан шыққан сарбаздардың опат болғаны туралы хабарлар аудандық чаттарда тарап жатыр. Володар ауданында тұратын бір адамның айтуынша, ауданға цинкпен қапталған алты мәйіт келген. Володар да, Красноярда да көбіне қазақтар тұрады.
"Газпромге" бағынышты директорлар кеңесі "Эхо Москвы" радиосын жою туралы шешім қабылдады
Мәскеу Ресей бұқаралық ақпарат құралдарынан Украинадағы жағдайды "соғыс" емес "әскери әрекет" деп атауды және хабар бергенде тек ресми ақпарат көзіне сүйенуді талап етіп, бағынбағанға қысым көрсетіп жатыр.
1 наурыз күні осы талапқа бағынбағаны үшін "Эхо Москвы" эфирі өшіріліп, сайты бұғатталды. Бұғаттауға "Дождь" телеарнасы, The Village басылымы, DOXA студенттер журналы да ұшырады. "Новая газета" демеушілерінің шешімімен цензураға көнуге мәжбүр болды.
ПІКІРЛЕР