АҚШ сенаторы, республикалық партия өкілі Джон Маккейн президент Дональд Трампты сайлаудағы жеңісімен құттықтағаны үшін сынады.
"Диктаторларды жалған сайлаудағы жеңісімен құттықтаған Америка президенті Еркін әлемді бастап жүре алмайды. Владимир Путинге деген дәл сондай ықыласымен президент Трамп еркін әрі әділ сайлау құқығынан айрылған әр ресейлік азаматты қорлады", - деп жазды Маккейн Twitter әлеуметтік желідегі парақшасына.
An American president does not lead the Free World by congratulating dictators on winning sham elections. And by doing so with Vladimir Putin, President Trump insulted every Russian citizen who was denied the right to vote in a free and fair election. https://t.co/lcQTBi7CA1
— John McCain (@SenJohnMcCain) 20 марта 2018 г.
Сейсенбі күні ресейлік және америкалық басылымдар АҚШ президенті Дональд Трамптың Владимир Путинді Ресей президенті сайлауындағы жеңісімен құттықтағаны туралы хабарлаған.
Бұған дейін Ақ үй баспасөз хатшысының орынбасары Хоган Гидли "АҚШ президенті Дональд Трамп Ресей президенті Владимир Путиннің сайлауда жеңгенінен хабардар" деп мәлімдеген.