Киев облысы полициясының басшысы Андрей Небитов Киев түбіндегі Ирпенде америкалық журналист Брент Реноның оққа ұшқанын хабарлады. Небитов Facebook парақшасында журналистің пресс-картасы мен төлқұжаты, қансыраған адамның суретін жариялады.
Киевтегі балалар ауруханасының баспасөз хатшысы Анастасия Магеррамова шабуыл кезінде Реноның жанында болған тағы бір америкалық журналистің видеосын жариялады. Оның сөзіне қарағанда, олар Ирпендегі көпірлердің бірінде босқындарды түсіріп, екіншісіне қарай барған кезде шабуылға ұшыраған.
🔴🔴 Two American journalist shot by Russian at Irpin bridge. One is under surgery at the main hospital in Kyiv and the other was shot at the neck. pic.twitter.com/9lihX1JJ58
— annalisa camilli (@annalisacamilli) March 13, 2022
Журналистің пресс-картасында оның The York Times тілшісі екені айтылады. Алайда басылым Реноның қазір газетте істемейтінін айтқан.
Брент Рено қақтығыс орындарынан ақпарат тарататын журналист. Деректі фильмдердің авторы ретінде беделді халықаралық сыйлыққа ие болған. Египет, Оңтүстік Америка елдеріндегі төңкерістерден репортаж жасаған.