Бұл жөнінде Алматы қалалық эканомикалық және сыбайлас жемқорлыққа қарсы күрес жөніндегі департаменті хабарлаған болатын. Аталмыш департаменттің аға инспекторы Руслан Тлемісовтың айтуынша, директор оқушы ата-анасынан баласының сабақтағы екіліктерін жоюы үшін пара ретінде радиотелефон талап еткен. Бүгінде білім ордасының басшысы қамауға алынып, осы іске байланысты Қазақстан Республикасының қылмыстық кодексінің 311-ші бабының 1-ші бөліміне сәйкес, қылмыстық іс қозғалды. Бүгінде 40 АҚШ долларына бағаланған радиотелефонды талап еткен директор, өз кінәсін мойындап отырғаны белгілі болып отыр. Кінәсі дәлелденген жағдайда 5-жылға дейін бас бостандығынан айырылуы мүмкін. Руслан Тлемісовтың айтуынша, бұл білім ордаларының басшылары пара алып ұсталған жағдай бірінші рет тіркеліп отыр.
31-ші мамырда Алматы қаласындағы мектептерінің бірінің директоры ата-анадан пара алу үстінде ұсталған. Алматы қалалық экономикалық және сыбайлас жемқорлыққа қарсы департаментіне 27-ші мамыр күні, В. деген азаматтан, өзінің баласының математика және ағылшын пәндерінен алған екіліктерін жою үшін мектеп директоры пара ретінде радиотелефон сұрағаны жөнінде арыз түскен.
Жаңалықтар
Көз сала отырыңыз
-
Азаттық зерттеуі | 6-бөлім
Дубайдағы Қазақстан: Нұрсұлтан Назарбаевтың туыстары
-
Freedom on the Net
Интернеті еркін емес Қазақстанда кибершабуыл көбейген