Нигериялық Ричард Аринзе Огбунуджу 1996 жылдан бері Тбилисиде тұрады. Ол - Грузия астанасының мэрі болу үшін сайлауға түсіп жатқан алғашқы қара нәсілді үміткер. Огбунуджудың айтуынша, ол ақсүйектер әулетінен шыққан. Нигериядағы қауымында патша атанғанын айтқан ол осыған байланысты Тбилисиде салтанатты шара да өткізген. Сайлау науқаны кезінде Огбунуджуға қарсы ксенофобтық және нәсілшіл пікірлер айтылды. Ал ол болса Тбилиси тұрғындары "ерекше" лидерді қабылдауға дайын дейді.