Украина президенті Владимир Зеленскийдің 3 наурыздағы видеоүндеуінен негізгі бес цитата:
- Қорғанысымыздың барлық шебі сақтаулы. Жаудың стратегиялық қадамдарының барлығынан нәтиже шыққан жоқ.
- Біз қираған әр үйді, әр көшені, әр қаланы қалпына келтіреміз.
- Ресей жұмыс істеу мүмкіндігін тартып алған әр жұмысшыға, әр кәсіпкерге, әр азаматымызға 6500 гривен (шамамен 216 доллар) береміз.
- Соғысқа қарамастан зейнетақыны толық төлейміз. Заңға сай, зейнетақыға индексация жасаймыз. 1 наурыздан бастап украиналықтардың зейнетақысы 14 пайызға индексацияланады (өседі).
- Украинаға еріктілердің алғашқы тобы – 16 мың адам келді.
Бір сөйлеммен:
- 3 наурызда Ресей мен Украина арасындағы келіссөздің екінші раунды өтуі тиіс.
- 3 наурызда Путин Қауіпсіздік кеңесі мүшелерімен жиын өткізіп, Украинадағы қаза тапқандар жайлы айтады деп жоспарланған.
- Швециялық IKEA жиһаз дүкені Ресей мен Беларусьтегі жұмысын тоқтатты.
- Формула-1 авторжарысы Сочи гран-приімен келісім-шартты үзді. Келісім-шарт 2020 жылға дейін жасалған еді.
- Бір доллар 110 рубльге жетті.
Жапония Ресей олигархтарына қарсы санкция жарияламақ
Жапония Ресей олигархтарына қарсы санкция әзірлеп жатыр. Бұл туралы Еуроодақтағы лауазымды тұлғаға сілтей отырып Reuters агенттігі хабарлады.
"Жапония үкіметінен олардың Еуроодақпен бірлесе отырып Ресей олигархтарына, компанияларына және Беларусь олигархтары мен түрлі компанияларға санкция салатыны туралы хабар алдық" дейді агенттік Еуроодақтағы дереккөзінің сөзін келтіріп.
Бангладеш жүк кемесіне снаряд түсіп, кеме қызметкері мерт болды
Қара теңіздегі украиналық Ольвия портында Бангладеш жүк кемесіне снаряд түсіп, кеме қызметкерлерінің бірі қаза тапты. Бұл туралы бейсенбі, 3 наурыз күні Бангладеш сыртқы істер министрлігі хабарлады. Кемеде 29 адам болған. Олардың бәрі – Бангладеш азаматы.
ПІКІРЛЕР