Ресей Украинадағы Чернигов қаласындағы тұрғын үй кешеніне әуеден шабуыл жасағаны хабарланды.
Облыстық әскери әкімшілік басшысы Вячеслав Чаустың айтуынша, Чернигов қаласына шабуылдан тоғыз адам қаза тауып, төрт адам жараланған.
Қаладағы екі мектеп пен жеке үйлер бүлінген.
Соғыс уақытында мұндай ақпараттарды басқа дереккөздерден тексеру мүмкін емес.
Ресей президенті Владимир Путин мен Франция басшысы Эммануэль Макрон бүгін тағы да телефонмен сөйлескен. Кремльдың жазуынша, Путин Макронға Ресейдің мақсаты Украинаны қарусыздандыру мен бейтарап статусына қол жеткізу екенін тағы айтқан.
Кремль "Путин Киев келіссөзді соза берсе Мәскеу талаптарын көбейтетінін жеткізді" дейді.
Ресейлік әскерилер Херсон облыстық әкімшілік ғимаратын алғаны хабарланды
Ресей әскерилері Украинаның Херсон облысының әкімшілік ғимаратын алды. Бұл туралы Херсон облыстық әкімшілігінің төрағасы Геннадий Лагута мәлімдеді.
Бірақ Лагута облыс әкімшілігі міндеттерін орындауды арықарай жалғастыра беретінін айтты.
"Мен басқарып отырған облыстық жедел штаб облыс тұрғындарының мәселесін шешу үшін жұмысын жалғастырып жатыр. Гуманитарлық көмекті күтіп отырмыз" деп жазды ол телеграмм-каналында.
Лагута жергілікті тұрғындарды "алаңдамауға шақырды".
"Жедел штабтың регламентіне сай жұмыс жалғасып жатыр" деді ол.
Украина тарабы ресейлік 9 мың әскери қаза болғанын айтады.
Кеше, 2 наурызда Ресей қорғаныс билігі Украинадағы соғыста 500-дей әскерінен айырылғанын, 1957 әскериінің жараланғанын айтқан. Мәскеу Украина тарапынан 2870-тен аса әскери қаза болып, 3700-тен аса адам жараланды, 572 адам кепілге алынды деген.
Соғыс жағдайында мұндай ақпараттарды тексеру мүмкін емес.
ПІКІРЛЕР