Келіссөзде тараптар қандай талап қоймақ?
Украина мен Ресей тарапы Беларусьте келіссөздің екінші раундын бастады. Бұл ақпаратты ресейлік агенттіктер де, Украина тарабы да хабарлады.
Украина президенті кеңсесінің өкілі Михаил Подоляк келіссөзде Киев мынандай талаптар қоятынын жазды:
- Атысты толық тоқтату;
- Татуласу;
- Шабуылға ұшыраған жерлерден адамдарды шығару үшін уманитарлық коридор ашу.
Ал Ресей сыртқы істер министрлігі Ресейдің Украинаға талабы "минимальды" деген еді. Ведомоство талаптарды нақты жарияламаған.
Кремльдің хабарлауынша, бүгін Ресей президенті Путин Франция президенті Эммануэль Макронмен телефон арқылы сөйлескенде Мәскеу мақсатына жететініне "сенім білдірген".
Бұған дейін Путин Украина "қарусызданып", бейтарап статусқа ие болуы керек деген талап қойған еді.
Бірнеше ақпарат агенттігі Беларусь сыртқы істер министрлігіне сілтеме жасап, Брест облысында Украина-Ресей арасындағы келіссөздің екінші раунды басталғанын хабарлады.
Ресей солдаттары Украинадағы дүкендерді тонап жатыр
Ресейлік "Дождь" телеарнасының бас директоры Наталья Синдеева эфирде телеарнаның жұмысы уақытша тоқтайтынын мәлімдеді. Бұған дейін Ресей билігі бұл телеарнаның сайтын бұғаттаған еді.
ПІКІРЛЕР